വിദൂരത്തെ ജോലി

ഒരു അവധിയിൽനിന്നും 

അടുത്ത അവധിയിലേക്കുള്ള 

ദൂരം 

ജോലി

ടാർജെറ്റ് എത്തിക്കാൻ ഓടുമ്പോൾ 

ബൈക്ക് അപകടം  പറ്റി 

കുറച്ചു സീരിയസ് ആയി 

ആശുപത്രിയിലേക്ക് പോകുമ്പോ 

മാനേജരെ അറിയിച്ചു 

അയാൾ പറഞ്ഞു 
ജോലി വേണോങ്കിൽ 

 ടാർഗറ്റ് എത്തിക്കണോന്ന് 

സ്നേഹം ദൂരം പ്രണയം

ഞാനും നീയും തമ്മിലെ ദൂരം നിനക്കറിയാമോ?????
അവൾ പറഞ്ഞു ഒരു സ്നേഹത്തിന്റെ ദൂരം അത്രതന്നെ
അല്ലാണ്ടെന്താ

സ്നേഹപൂർവ്വം നിനക്കായ്

കാലമെത്ര കഴിഞ്ഞാലും
ദൂരെഎത്ര അകന്നാലും
എൻ പ്രിയ സഖി

കാണ്മൂ ഞാൻ നിന്നെയാ
തുടിക്കുന്ന മിഴികളിൽ

കേൾപ്പു ഞാൻ നിൻശബ്ദ
സൗകുമാര്യത്തിൽ

കിളിതോൽക്കും നിന്നുടെ
താള ലയങ്ങളിൽ

ആരെയും കൊതിപ്പിക്കും
വശ്യമാം നടത്തത്തിൽ

പ്രണയം കൊഴിയാത്ത
നിൻ പെരുമാറ്റത്തിൽ

പ്രണയിനി എൻ പ്രേയസി
നീ ഒരു സ്വപ്നം ഒരിക്കലും
മായാത്ത മങ്ങാത്ത 
സുന്ദര സ്വപ്നം

വാവുബലി

                     

അമ്മയെ ചവിട്ടിക്കൊന്ന മകനും 

ആലുവാ മണപ്പുറത്തുപോയി 

അമ്മയ്ക്കായ് ബലിയിട്ടു മടങ്ങി 

ഒരു പ്രണയത്തിന്റെ ഓർമയ്ക്ക്

പ്രണയത്തിന്റെ കൊഴിഞ്ഞുപോയ താളുകൾ മറിച്ചുനോക്കി എന്തൊരു തീക്ഷണതയായിരുന്നു ഞങ്ങളുടെ ബന്ധത്തിന്
ചിലനിമിഷങ്ങളിൽ ഞാനോർത്തു അവളെ ഉപേക്ഷിച്ചാൽ അവൾ മരിച്ചുകളയുമെന്ന്
പക്ഷെ എപ്പോളോ അവൾ എന്നെ മറന്നുപോയി മനസ്സിന്റെ ഉള്ളിൽ വെറുത്തുപോയി
എന്നും ഈ മുഖപുസ്‌തകത്തിൽ അവളെ ഞാൻ കാണും നെഞ്ചുതുളച്ചിറങ്ങുന്ന അവളുടെ കണ്ണുകൾ കാണും
ആ നോട്ടമാണിന്നെന്റെ പ്രണയം
           

"ഊണ് റെഡി"

ഉച്ചഭക്ഷണം തയ്യാറാക്കിയ വേലക്കാരി 
അമ്മയുടെ വാട്സ്ആപ്പിലേക്ക് ഒരു മെസ്സേജ്
                         "ഊണ് റെഡി"
'അമ്മ അതുടനെ ഫാമിലി ഗ്രൂപ്പിലേക്ക് ഫോർവേഡ് ചെയ്തു 
ഉടനെ എല്ലാവരും വന്നു ഒരു മേശയുടെ പല മൂലകളിൽ 
ഇടതുകൈയിൽ മൊബൈൽ തെന്നിച്ച്
എന്തൊക്കെയോ കഴിച്ചുമടങ്ങി