അവനും അവളും

പ്രണയത്തെ പുഷ്പിപ്പിക്കുന്ന ദേവീ

എന്തിനവൾക്ക് നീ 'അവനെ'

കാണിച്ചുകൊടുത്തു

അവളെ 

പ്രണയിക്കാനോ?

എന്റെ പ്രണയം അറിഞ്ഞിട്ടും

അവൾ എന്നോടടുക്കാത്തത് 

അവൻ കാരണമാണ് 

അവനോ അവളിൽനിന്നും 

അകന്ന് പറക്കുന്നു.. 

അവളോ 

അവനെമാത്രം 

തേടിത്തേടി നടക്കുന്നു

പലപ്പോളും എന്നോടാണ് 

അവൾ വഴി ചോദിച്ച് 

അവനെ തിരയുന്നത്  

എന്റെ വസന്തങ്ങളെ 

ഞാൻ അടവെച്ചു വിരിയിച്ചതും 

വഴി പിരിഞ്ഞു ഞാൻ അലഞ്ഞതും 

അവൾക്കുവേണ്ടി മാത്രമാണ് പക്ഷേ 

അവൾ അതൊന്നും 

കാണില്ല 

അറിയില്ല 

അറിഞ്ഞഭാവം നടിക്കില്ല 

കാരണം 

അവൾക്ക് അവനെ മാത്രം മതി 

എപ്പോൾ കണ്ടാലും കുറ്റങ്ങളും 

കുറവുകളും മാത്രം 

നിരത്തി അവൾ എന്നെ സ്വാഗതം ചെയ്യും . 

അവനെക്കുറിച്ചവൾക്ക് 

പറഞ്ഞാലും പറഞ്ഞാലും തീരില്ല 

അവസാനം ദേവി പ്രത്യക്ഷയായി 

എന്തു വേണം നിനക്കെന്നു ചോദിച്ചു 

ഒന്നുംപറയാൻ നാവ് പൊങ്ങിയില്ല 

വേദന കണ്ടപ്പോൾ ദേവി 

എന്റെ ജീവൻ ആവാഹിച്ചു മടങ്ങി.

സ്വപ്ന സുന്ദരി (ഒരു സ്വപ്നം)

തീയിൽ കുരുത്തവളേ 

നിന്നിലെ തീയാണ് 

എന്റെ ജീവൻ.

എന്നെങ്കിലും നിന്നെ 

എനിക്ക് കിട്ടുമെന്ന് 

ഞാൻ കണ്ടിരുന്ന 

സ്വപ്നങ്ങളാണ് 

എന്നെ വഴിനടത്തിയിരുന്നത്.