വിശപ്പ്

 വിശപ്പിന്റെ വിലയറിയണമെങ്കിൽ

പട്ടിണി കിടന്നേ പറ്റൂ 

ക്രിസ്തുമസ്

മനുഷ്യകുലത്തിനു വേണ്ടി 

മൂന്നാണിയിൽ

മരിക്കുന്നതിന്

മുന്നോടിയായി

മഞ്ഞുപെയ്യുന്ന

മഞ്ഞണിതോപ്പിൽ

മനുഷ്യനായ് 

മാടുകളുടെ ഇടയിൽ

ജനിച്ചു വീണു.

കൊട്ടക നാട്ടിലെ തീയറ്റർ

വരവ് കുറഞ്ഞപ്പോൾ

കൊട്ടകയെ തട്ടി

പാർക്കിംഗ് ഗ്രൗണ്ടാക്കി

ആളുകൾ പാർക്ക്‌

 ചെയ്ത് മൊബൈലിൽ

സിനിമകണ്ട് കൈയടിച്ചു.

ലോട്ടറി

 ലോട്ടറിഎടുക്കാൻ

ഒരു അസാമാന്യ കഴിവുണ്ടെനിക്ക്

എത്ര എണ്ണം നിരത്തി വെച്ചാലും

അതിൽനിന്നും സമ്മാനമില്ലാത്തത് 

മാത്രം തിരഞ്ഞെടുക്കും.

നോട്ടം

 അവന്റെ നോട്ടം

ആ ബണ്ണിലേക്ക് ആയിരുന്നു

പക്ഷേ

കാലിയായ പോക്കേറ്റും

അതിലേറെ കാലിയായ

വയറുമായി

അവൻ യാത്ര തുടർന്നു

മെസ്സി

ലോകം മെസ്സിയുടെ

കാലുകളിലേക്ക്

ചുരുങ്ങുന്നു.

സൈറൺ

ഓരോ

മുഴങ്ങലുകളും

ഓരോ

ഓർമ്മപ്പെടുത്തലുകളാണ്.

ഒരുനാൾ

ഇന്നും ജീവിക്കുന്നത്

വീണ്ടും ഒരുമിച്ചുള്ള 

ഒരുനാളെങ്കിലും വരുമെന്ന

സ്വപ്‌നത്തിലാണ്

പ്രാർത്ഥന

ആഗ്രഹങ്ങളും

ആവശ്യങ്ങളും

കൊണ്ട്

ദൈവത്തിനു

സമർപ്പിക്കുന്ന

കവിതയാകുന്നു

പ്രാർത്ഥന.

രാത്രിമഴ

തോരാതെ പെയ്ത മഴയിൽ

ഇരുളിന്റെ മറവിൽ

ഭൂമി ഉറങ്ങുമ്പോൾ 

അവർ ഒന്നുചേർന്നു

"ഇടിയും മിന്നലും"

ആലിംഗനബന്ധരായി.

പന്ത്

എനിക്കുകിട്ടുന്ന

ഓരോചവിട്ടിനും

നിങ്ങൾ നൽകുന്ന

ഹർഷാരവമാണ്

എന്റെ ആ'ശ്വാസം'