സുവിശേഷ ഗാനം

വരുവിൻ സോദരരെ ഉണർന്നെഴുന്നേൽക്കുവിൻ

സുവിശേഷമറിയിക്കും സമയമിതായ് 

പാപത്തിൻ കെട്ടുകൾ പൊട്ടിച്ചെറിഞ്ഞ് 

യേശുവിനോടൊപ്പമായിരിക്കാം 

ഇനി, അവിടുത്തെ ചാരത്തു മാത്രമാകാം 

നിനക്കായ് മരിച്ചൊരു ദിവ്യകുമാരന്റെ 

സ്മരണപുതുക്കും സമയമിത് 

ഇരുകൈയ്യും കൂപ്പി മനസ്സോന്നോരുക്കി 

ദൈവവിളിക്കായ് ഒരുങ്ങി നിൽക്കാം 

ഇനി ദൈവമൊഴിക്കായ് കാതോര്ത്തിടാം 

ചെയ്തൊരു പാപ പരിഹാരം തേടി 

പൊറുക്കേണ്ടവരോട് സദയം പൊറുത്ത് 

പഴയ മനുഷ്യനെ ചെയ്തിയോടുപേക്ഷിച്ച് 

ക്രിസ്തുവിൽ പുതിയൊരു സൃഷ്ടിയാകാം 

ഇനി ആത്മാവ് നിറഞ്ഞോരു സൃഷ്ടിയാകാം

കാഴ്ചവെയ്പ്പ് ഗാനം

നിർമ്മലമായൊരു മാനസവും
കൈകളിൽ നിറകാഴ്ച ദ്രവ്യങ്ങളും
കാഴ്ചയായേകുന്നു ദിവ്യനാഥാ
കനിവോടെ ഈ കാഴ്ച സ്വീകരിക്കു

പാപങ്ങളെല്ലാം പൊറുത്തീടുക
തെറ്റുകളെല്ലാം ക്ഷമിച്ചീടുക
എന്നുടെ കുറവുകൾ നീക്കീടുക
അവിടുത്തെ ദാസനായ് മാറ്റീടുക

കാഴ്ചയായേകുന്ന എൻജീവിതം
കേവലം നിൻ തിരുദാനമത്രേ
എൻജീവനും നേടിയ നേട്ടങ്ങളും
കനിവോടെ സ്വീകരിച്ചനുഗ്രഹിക്കു

ആദ്യമായ് അങ്ങെന്നിൽ വന്നപോലെ
അവിടുത്തെ ചൈതന്യം നിറച്ചീടുക
ഈബലി ഉൾക്കൊള്ളും നിമിഷങ്ങളിൽ
കനിവോടെ അങ്ങെന്നിൽ നിരഞ്ഞീടുക